LETRA LARRIAK ETA XEHEAK

Atzo kohesioa landu genuen, gaur letra larrien eta xeheen erabilera. Berez, ez da oso zaila, beste hainbat hizkuntzatan bezala egiten dugulako, baina badaezpada, hona hemen hainbat irizpide:

 • Idazki hasieran, lerroalde hasieran eta puntu ostean dauden hitzetan.

• Gentilizioa nongo kasuarekin osatuz gero: Bizkaiko, Donostiako, ....
       Gentilizioak osatzerakoan, -tar atzizkia erabiltzen dugunean letra xehea erabiliko dugu: bizkaitar,

       donostiar,...

• Izen ofizial osoetan:
       1. Erakunde pribatu nahiz publikoetan: Euskal Herriko Mendizaleen Elkartea
       2. Alderdi politiko eta sindikatuetan
       3. Instituzioen izenekin: Gasteizko Udala, Filosofia Fakultatea
          Hala ere, izen ofizial hori pluralean dagoenean letra xehea erabiliko dugu: Nafarroako

          udalak, Unibertsitateko fakultateak, Jaurlaritzako sailak, ...
          Izen batzuk berez dira bereziak nahiz eta plurala izan: Batzar Nagusiak
 

• Lege testuetan: Dekretu, lege, erabaki eta horrelakoetan, izen osoa agertzen denean, letra larriz:
          Euskal Funtzio Publikoari buruzko Legea, Abenduaren 12ko 271/1983 Dekretua

• Izen berezietan:
          Erlijio jaietan: Aste Santua, Eguberria
          Entzute handiko egunetan: Maiatzaren Lehena, Aberri Eguna
          Errege-erreginen izenak bakarrik idazten ditugunean, baita familia osokoak ere: Erregea,          

          Erregina, Asturiasko Printzea, baina Balduino erregea
          Egoitza ofizialen eta Estatuaren botereen izenetan ere larriz: Defentsa Ministerioa, Ajuria Enea
          Sariak eta erakundeetan sortzen diren batzordeak letra larriz, batzorde eta sari hitzak xehez:      

          Gramatika batzordea, Azkue saria, ...
          Urtaroak, hilabeteak eta astegunak letra xehez idatziko dira: udaberria, uztaila, astelehena, ...
          Kargu ofizial eta akademikoak ere xehez: euskaltzaina, zuzendaria, ...
          Erreferentzia kardinaletan: Ekia, Iparra, ... baina Gasteizko hegoaldean
          Mitologia Jainkoen izenak: Zeus, Ekhi...
          Astronomian: Lurra, Eguzkia, Artizarra...
          Zientzia eta ikasgaien izenetan: Matematika, Literatura…





Orain ariketatxo bat esteka ikasitakoa praktikan



iruzkinik ez:

Argitaratu iruzkina